Maritta Reinhardt

Rheinhessische Mundart

Weihnachts Countdown

Noch vier Woche he bis Weihnachde
Ich kennt schunn Geschenge kaafe
Unn Schderne baschdele
Unn Kaade schreiwe
Awwer – och
Das longt noch negsch Woch!

Noch drei Woche he bis Weihnachde
Ich sollt die Geschenge kaafe
Unn e nei Lischderkett
Unn die Deko vum Schbeicher hole
Unn Schdeerne baschdele unn Karde schreiwe
Unn Plätzjer wollt ich bagge
Unn dodefor Budder unn Niss besoije
Vlleicht moije?

Noch zwo Woche he bis Weihnachde
Geschenge, nei Lischderkett,
Geschenkbabier unn scheene Kerze mischd ich kaafe
Schderne baschdele unn Kaade schreiwe
Die Deko vum Schbeicher hole unn die Fenschder butze
Die Plätzjer bagge unn die Päckscher vepacke
Unn de Gutschei hole
Fer mei Monn
Awwer ich waas net
Wonn?

Noch aah Woch he bis Weihnachde
Geschenge unn Babier
Unn goldene Schlepp
Lischderkett, nei Deko
Kaade, Schderne unn Plätzjer
Gebutzde Fenschder
Sekt, Läbkuche,
Gons met Klees
Unn Rotkraut
Gerewwene Meerrettich
Unn Lachs
Scheene Kerze aus Wachs
Fer en Aasch voll Geld
Im Indernet beschdellt

Heit is Weihnachde
Wehje Sauwerrer unn Froschd
Unn Lieferschwierischkeide bei de Poschd
Falle Geschenge, Babier
Lischderkett unn scheene Kerze
Brore unn Plätzjer
Dass Johr aus

Dorsch mei dreggische Fenschder
Gugg ich enaus
Gehjeniwwer uffs Haus
Do blingt feschdlich unn warm
Em Nochber sein Baam
Unn ich ess in de Not
E Lewwerworschdbrot
Met Gurke
Ausem Glas
Das war´s


Fazit
Unn do dämmert mer was
Mer is jo net klor
Weil
Aach wonn alles fählt
Werd das was jo zeehlt
Wohr
Wie jed Johr
Unn de Heilond
Gebor

Weiter Beitrag

Zurück Beitrag

© 2021 Maritta Reinhardt

Thema von Anders Norén